Astanada 14 jasqa deıingi balalar arasynda koronavırýs juqtyrý úsh esege artty
Elordanyń bas memlekettik sanıtarlyq dárigeri Sarhat Beısenova málim etkendeı, Nur-Sultanda COVІD-19 boıynsha epıdemıologııalyq jaǵdaı turaqsyz. Qala epıdemıologııalyq ahýaldy baǵalaý matrıtsasynda bir aıdan astam ýaqyt «qyzyl« aımaqta tur.
«Kúnine 350-den 650-ge deıin jaǵdaı tirkeledi. Sońǵy aptada syrqattanýshylyq kórsetkishi aldyńǵy aptadan 9,7% joǵary, 100 myń turǵynǵa shaqqandaǵy qarqyndy kórsetkish 320,43 qurady. Reprodýktıvti sany — 1,021. Jyl basynan beri qalamyzda naýqastar sany 22 myńnan asty, al pandemııa bastalǵannan beri 41 214 jaǵdaı tirkeldi: 26 888 — sımptomdyq jáne 14 326 — asımptomdyq. Ótken bir táýlikte 574 jańa jaǵdaı tirkeldi (406 sımptomdyq, 168 sımptomsyz)», — dep túsindirdi elorda sanıtarlyq dárigeri.
Jas qurylymy boıynsha: naýqastardyń eń joǵary kórsetkishi eresekter arasynda tirkeledi, olar KVI-men aýyrǵandardyń 79,9% quraıdy, balalar 17,3%, jasóspirimder 2,8% quraıdy. Sáýir aıynda naýryz aıymen salystyrǵanda egde jastaǵy adamdar arasynda koronavırýs juqtyrý jaǵdaılarynyń 2,2% artty.
«14 jasqa deıingi balalar arasynda naýqastar sany úsh ese óskeni baıqalady. Qańtarda – 571, aqpanda – 479, naýryzda – 1106, sáýirde – 1790. Aıtarlyǵy, ınfektsııa juqtyrý balalardyń barlyq jas toptarynda baıqalady. Bul rette sáýir aıynda jalpy syrqattanýshylyq kórsetkishi boıynsha balalar úlesi 0,8% azaıdy. Bul, ásirese 7-10 jas aralyǵyndaǵy (5,1%-dan 4,3%-ǵa deıin tómendedi), 11-14 jastaǵy (4,5%-dan 4,3%-ǵa deıin tómendedi) mektep oqýshylaryna qatysty qabyldanǵan shekteý is-sharalarynyń tıimdiligin kórsetedi», — dep atap ótti Sarhat Beısenova.
