Astanada 14 qabatty turǵyn úıden órt shyqty

ASTANA. KAZINFORM — Osy sátte TJM órt sóndirýshileri Almaty aýdany B. Momyshuly dańǵylyndaǵy 14 qabatty turǵyn úıdiń 10-qabatynda ornalasqan balkonnan shyqqan qyzyl jalyndy óshirýge talpynyp jatyr. Bul týraly TJM málim etti.  

— Alǵashqy órt sóndirý jasaqtary kelgennen keıin balkonnyń ashyq jalynmen janyp jatqany anyqtaldy. Gaz-tútinnen qorǵaý qyzmetiniń býyny barlaý men órtti sóndirýge shuǵyl kirisken. Oqıǵa ornynda qutqarýshylar joǵary dárejede jumys istep jatyr. Zardap shekkender týraly aqparat 112-ge túsken joq, — delingen habarlamada.

Órt sóndirýshiler joǵarǵy qabattan 8 adamdy evakýatsııalap, kórshi páterden 2 bala qutqaryldy. Órtti sóndirý jalǵasyp jatyr.