Astanada 14 avtobýstyń baǵyty ýaqytsha ózgeredi

ASTANA. KAZINFORM – Astanada 1 mamyrdan bastap 14 avtobýs baǵytynyń qozǵalys baǵyty ýaqytsha ózgeredi.

2025 jyldyń 1 mamyrynan bastap elordada №7, 20, 24, 24N, 31, 33, 34, 41, 47, 56, 57, 61, 84 jáne 503 avtobýs baǵyttary ýaqytsha ózgertiledi.

Sondaı-aq, CTS kólik kompanııasynyń málimetinshe, 1 mamyr kúni R. Qoshqarbaev dańǵyly, 50/1 mekenjaıynda ornalasqan ortalyq kassa jumys istemeıdi.

Kassa 2 jáne 3 mamyr kúnderi saǵat 09:00-den 18:00-ge deıingi ádettegi jumys rejıminde túski úzilissiz qaıta ashylady. Sońǵy bılet 17:45-te beriledi. Jeksenbi -  demalys.

Aıta ketelik qoǵamdyq kólik ıeleri avtobýs ishine kamera ornatýǵa mindetteledi. Sondaı-aq Astanada Jumabaev dańǵylynyń ýchaskesi jóndeý jumysyna baılanysty jabylady.