Astanada 130-dan astam avtobýs júrgizýshisine aıyppul salyndy
ASTANA. QazAqparat - Astana avtobýs parkiniń 134 júrgizýshisine uıaly telefonmen sóıleskeni úshin aıyppul salyndy, dep habarlady Astana qalasy ІІD baspasóz qyzmeti.
Astanada 13-15 qazan aralyǵy kezeńinde «Avtobýs» jedel-aldyn alý sharasy ótkizildi.
«Úsh kúnde polıtseıler jol qozǵalysy qaǵıdasyn buzǵan 720 jaǵdaıdy anyqtady. Avtobýs parkiniń 8 laýazymdy tulǵasy ákimshilik jaýapkershilikke tartyldy, 10 avtobýsty paıdalanýǵa tyıym saldy. 134 júrgizýshige rýlde otyryp mobıldi telefonmen sóıleskeni úshin aıyppul salyndy. Manevr jasaý qaǵıdasyn buzǵan 87 jaǵdaı, júrginshilerge artyqshylyq bermegen 13 fakti tirkeldi. Budan basqa, shara barysynda reıs aldy tehnıkalyq tekserýden ótpegen avtobýstardy paıdalanǵan, júrgizýshige paıdalanýǵa jol bergen 23 fakti anyqtaldy», - delingen habarlamada.
Astana aýmaǵynda qoǵamdyq kólikpen jolaýshylardy tasymaldaýmen 9 kásiporyn aınalysady, kún saıyn 750-den astam avtobýs paıdalanylady.
