Astanada 13 jasar qyzǵa tap bergen kúdikti ustaldy
ASTANA. QazAqparat - Elordada 13 jastaǵy oqýshy qyzǵa tap bergen 19 jastaǵy kúdikti jigit ustaldy, dep habarlaıdy QazAqparat tilshisi.
Aıta ketsek, birqatar BAQ quraldarynda Astana qalasynda keshe kúndiz 13 jastaǵy qyz balaǵa belgisiz er adamnyń tap bergeni týraly aqparat taratqan bolatyn. Oqýshy qyz dúkennen shyqqan kezde kúdikti belgisiz adam onyń artynan podezge erip kirgen. Birinshi jáne ekinshi qabatty jalǵap turǵan baspaldaq aýmaǵynda álgi er adam oqýshyǵa tap bergen.
Astana qalasynyń Polıtsııa departamenti oqýshyǵa tap bergen kúdiktiniń ustalǵanyn habarlady.
«Polıtsııa qyzmetkerleri jedel-izdestirý sharalary barysynda vıdeobaqylaý kameralarynyń kómegimen 11 naýryz kúni saǵat 22.00 shamasynda 19 jastaǵy Astana qalasynyń turǵyny kúdikti retinde ustady. Qazirgi ýaqytta sotqa deıingi tergeý amaldary júrgizilip jatyr. Tergeý múddesine sáıkes budan basqa aqparat taratylmaıdy», - dedi Polıtsııa departamentiniń baspasóz qyzmeti.
