Astanada 13 jasar balany óltirgen kúdiktiler ustaldy
ASTANA. 8 qarasha. QazAqparat - Aǵymdaǵy jyldyń 16 qazanynda Astana qalasynyń ІІD-ine 1998 jyly týǵan balasynyń joǵalǵany týraly Astana qalasynyń turǵyny shaǵymdanǵan bolatyn.
Balany izdeýge barlyq elordalyq saqshylar jumyldyryldy. 20 qazanda qudyqtan denesine zorlyq-zombylyq kórsetilgen balanyń máıiti tabylǵan. Sot-medıtsınalyq saraptama qorytyndysyna sáıkes bala mehanıkalyq asfıksııa nátıjesinde qaza bolǵan, dep habarlady Astana qalasy ІІD-niń baspasóz qyzmeti.
Osy fakti ishki ister organdarynyń jeke quramyna jetkizildi. Osy qylmysty tergeý Astana qalasy ishki ister departamenti basshylyǵynyń jeke baqylaýynda tur. Tájirıbeli qyzmetkerlerden jedel-tergeý toby quryldy. Tergeý barysynda qyzmetkerler osy oqıǵanyń birneshe nusqalaryn keltirip, jan-jaqty zerdeledi. Jeke basyn anyqtaý maqsatynda jedel qyzmetkerler kóptegen adamdardan jaýap aldy. Júrgizilgen sharalardyń nátıjesinde polıtsııa qyzmetkerleri sol aýdanda kóp júretin turaqty mekenjaıy joq adamdardyń bul qylmysty jasaýy múmkin degen boljamǵa keledi.
Jedel-izdestirý sharalarynyń nátıjesinde polıtseıler Aqmola oblysynda týǵan eki azamatty ustaıdy. Olar - 1987 jáne 1989 jyly týǵan turaqty mekenjaılary joq adamdar. Olardyń bireýi buryn sottalǵan. Jaýap alý barysynda ustalǵan tulǵalar buzaqylyq jasap E. esimdi balany óltirgenderin moıyndaıdy.
Osy fakti boıynsha QR QK 96-baby boıynsha qylmystyq is qozǵaldy. Ustalǵandar Astana q. ІІD ýaqytsha oqshaýlaý abaqtysyna qamaýǵa alyndy. Tergeý júrgizilýde.
