Astanada 13 turǵyn úıdiń ornyna mektep pen balabaqshalar salynatyn boldy

ASTANA. QazAqparat – Búgin Astana ákimi Jeńis Qasymbek «Menin Elim Dala» qoǵamdyq birlestiginiń bastamashyl toptarymen kezdesip, nyǵyzdalǵan qurylys máselesin talqylady. QazAqparat bul týraly elorda ákimdigine silteme jasap habarlaıdy.

Kezdesý barysynda turǵyn úı kesheniniń ornyna áleýmettik nysan turǵyzý, úılerdiń qabatyn azaıtý, Taldykól máselesi jáne ózge de túıitkilder kóterildi.

Qalada nyǵyzdalǵan qurylys boıynsha 18 negizgi problemaly obekti bar. 13 nysanǵa qatysty másele turǵyndardyń ótinish-tileginiń paıdasyna sheshildi. ıAǵnı turǵyn úı kesheniniń ornyna mektepter, medıtsına ortalyqtary, balabaqshalar, qoǵamdyq keńistikter salynatyn boldy. Qalǵan 5 nysan boıynsha sot jáne kelissózder protsesi júrip jatyr.

Mysaly, Baıtursynov kóshesi, 7 («Haıvıl» TK) mekenjaıynda ornalasqan jer ýchaskesinde kóppáterli turǵyn úı kesheniniń ornyna mektep salynady. Sondaı-aq mektep tapshylyǵyn azaıtý maqsatynda Qoshqarbaev dańǵyly men Aqyrtas kóshesi aýdanynda, ıaǵnı «Haıvıl» turǵyn úı keshenine qarsy bette taǵy bir jalpy bilim beretin mektep boı kóteredi.

Kúmisbekov kóshesi, 9/2 úıiniń janynda 21 qabatty úı men parkıngtiń ornyna gúlzar salynatyn bolyp sheshildi.

Budan bólek, «Sport Towers» TK turǵyndarynyń ótinishi boıynsha eki mektep («Alpamys» TK men «Alau» TK arasynda jáne «Barys-Arena» muz aıdynynan ońtústik baǵytta) qurylysy júrgiziledi.

Kezdesý qorytyndysy boıynsha birqatar tapsyrma berildi, onyń ishinde qujattardy normalarǵa sáıkes keltirý, «Menin Elim Dala» QB jaýaptaryn usyný jáne taǵy basqasy.