Astanada 13 myńnan astam kóshet otyrǵyzyldy
Elordada 10 qyrkúıek-10 qazan aralyǵynda sanıtarlyq tazalaý, abattandyrý men kógaldandyrý boıynsha ekologııalyq aılyq ótti. Sondaı-aq 22 qyrkúıekte qala turǵyndary jalpyqalalyq senbilikke shyqty.
Qala ákimdiginiń baspasóz qyzmetinen málim etkendeı, olardyń barysynda 4 myńǵa jýyq tonna qoqys jınaldy, 13 myńnan astam kóshet otyrǵyzylyp, 8880 tal-shilik otyrǵyzyldy.
Jalpyqalalyq senbilikke 118 myńnan astam adam, sonymen qatar 4 180 kásiporyn, uıymdar men mekemeler qatysty. Mamandandyrylǵan tehnıkanyń 506 birlikten astamy jumyldyryldy. Aıta keteıik, qala belsendileri senbilik aldynda «Dúnıejúzilik tazalyq kúni» halyqaralyq áleýmettik-ekologııalyq aktsııasyna ún qosyp, onyń barysynda 3,3 tonna qaıtalama shıkizatty jınap, óńdeýge tapsyrdy.
«Orta jáne shaǵyn bıznes qyzmetkerleri óz aýmaqtaryn jınastyrdy. Kommýnaldyq qyzmetter men merdigerlik uıymdar kvartalishilik aýmaqty abattandyrdy, jol tósemi men jaıaý júrginshi ótpejoldarynyń búlingen (shuńqyrly) jerlerin jóndep, ruqsaty joq qoqys úıindilerin joıý jumystaryn júrgizdi», - dedi Astana qalalyq Tabıǵı resýrstar jáne tabıǵat paıdalanýdy retteý basqarmasynyń basshysy Musa Tanabaev.
