Astanada 13 qarashada terrorızmge qarsy oqý-jattyǵý ótedi

ASTANA. KAZINFORM — 13 qarashada saǵat 9.00 men 18.00 aralyǵynda «Qazaq Ulttyq sport Ýnıversıteti» JShS jaǵdaıynda (shosse Qarqaraly, 15) terrorızmge qarsy josparly oqý-jattyǵý ótkizý kózdelgen, dep habarlaıdy elordalyq terrorızmge qarsy kúres jónindegi jedel shtab.

Turǵyndar nazaryna: Almatyda terrorızmge qarsy oqý-jattyǵý ótedi
Foto: Almaty qalsynyń PD

Sharanyń maqsaty — quqyq qorǵaý organdary jáne arnaıy qyzmet kúsh-quraldarynyń terrorızm qaýipterine qarsy jedel áreket etý daıyndyq deńgeıin tekserý.

Oqý-jattyǵý aıasynda «Qazaq Ulttyq Sport Ýnıversıteti» JShS aýmaǵynda belgili deńgeıde tyıymdar men jaıaý júrý jáne kólik qozǵalystaryna ýaqytsha shekteýler engizý qarastyrylǵan.

— Osyǵan oraı, azamattardy ótip jatqan sharaǵa túsinikpen qaraýǵa, qaýipsizdik sharalaryn saqtaýǵa, memlekettik organdar qyzmetkerleriniń zańdy talaptaryn oryndaýǵa, tek resmı aqparat kózderine senýge jáne jalǵan aqparattardyń taralýyna jol bermeýge shaqyramyz, — delingen vedomstvo taratqan aqparatta.