Astanada 13 qabatty úıdiń shatyrynan sekirmek bolǵan kelinshek qutqaryldy
ASTANA. QazAqparat - Elordada 13 qabatty úıdiń shatyrynan sekirmek bolǵan kelinshek qutqaryldy. Bul týraly QR Іshki ister mınıstriniń keńesshisi - resmı ókil Nurdildá Oraz aıtty, dep habarlaıdy QazAqparat tilshisi.
"11 naýryz kúni keshki saǵat 6 shamasynda Táshenov kóshesi boıyndaǵy 13 qabatty turǵyn úıdiń shatyrynan Astana mańynda turatyn 29 jastaǵy kelinshek sekirmek bolǵan. Oqıǵa jaıynda aqparat QR ІІM Tótenshe jaǵdaılar komıtetiniń kezekshiligine túsken. Ortalyq óńirlik aeromobıldi qutqarýshylar jasaǵynyń bas maman-qutqarýshysy Maqsat Imashov eki polıtsııa qyzmetkerimen úıdiń shatyryna kóterilip, kelinshekpen kelisssóz júrgizýge tyrysqan edi. Alaıda ol kónbeı qoıǵan", - dedi resmı ókil.
Onyń aıtýynsha, polıtsııa qyzmetkerleri kelinshekti sózge tartyp turǵan sátte qutqarýshy úı shatyrynyń kúnqaǵaryna túsken.
"Kelinshektiń týy syrtynan baıqatpaı kelgen qutqarýshy ony ustap úlgerdi. Osy sátte kómekke kelgen polıtsııa qyzmetkerlerimen birge kelinshekti qutqaryp, tómen túsirdi. Onyń mundaı qadamǵa jubaıymen ajyrasqannan keıin barǵany anyqtaldy", - dedi Nurdildá Oraz
