Astanada 13-qabattan qulaýǵa shaq qalǵan 6 jasar bala qutqaryldy
NUR-SULTAN. QazAqparat - Elordada 13-qabattan qulaýǵa shaq qalǵan 6 jasar bala qutqaryldy, dep habarlaıdy QazAqparat qalalyq tótenshe jaǵdaılar departamentiniń baspasóz qyzmetine silteme jasap.
Búgin saǵat 13.57-de 112 pýltine Qudaıberdiuly kóshesi, 25/1 úıdiń terezesinde kishkentaı balanyń qaýipti jaǵdaıda turǵany týraly habar kelip tústi. Qutqarý qyzmetine jolaı ótip bara jatqan adamdar habarlasqan.
«Shaqyrtý ornyna tez arada Órt sóndirý qyzmeti men jedel-qutqarý jasaǵy keldi. Kelgen boıda olar «Stepnoı-1» turǵyn úı kesheniniń 13-qabatynda jabyq páterdiń terezesinde bala turǵanyn anyqtady. Qutqarýshylar esikti ashyp, úlkender qaraýsyz qaldyrǵan 2013 jyly týǵan balany qutqardy. Bala polıtsııa departamentiniń qyzmetkerlerine berildi» delingen habarlamada.
Bul iske Nur-Sultan qalalyq TJD jeke quramynan 6 adam men 2 tehnıka jáne qalanyń shuǵyl qyzmetteri jumyldyryldy.
Qalalyq TJD ata-analardyń barynsha abaı bolýyn ótinedi.
«Jas balalardy eshqandaı jaǵdaıda qaraýsyz qaldyrmaý kerek. Tek osylaı ǵana biz eń kishkentaı, qorǵansyz jáne asa qymbat adamdardyń ómirin saqtap qala alamyz» deıdi vedomstvodan.
