Astanada 125 páterlik turǵyn úı kesheni paıdalanýǵa berildi
ASTANA. 29 jeltoqsan. QazAqparat - «Qoljetimdi baspana - 2020» baǵdarlamasynyń Astana qalasyndaǵy apatty turǵyn úılerdi buzý jónindegi pılottyq jobasyn iske asyrý sheńberinde «Elorda damý» JShS salǵan Tarhan - Jubanov kósheleriniń qıylysynda paıdalanýǵa berilgen taǵy da bir 125 páterlik turǵyn úı jańa qonystanýshylardy qabyldap jatyr. Bul týraly astana.kz saıtyna elorda ákimi apparatynyń baspasóz qyzmetinen habarlady.
Sońǵy eki aı ishinde «Elorda damý» JShS apatty turǵyn úılerdiń 189 ıelenýshisin qonystandyrýǵa arnalǵan 2 turǵyn úıdi paıdalanýǵa tapsyrdy.
Tarhan-Jubanov kósheleriniń qıylysyndaǵy keshenniń qurylysy kommertsııalyq baǵytqa ıe jáne pılottyq jobany qaıta ınvestıtsııalaý maqsatynda júzege asyryldy. Bul rette páterlerdi satýdan túsken qarajat jańa turǵyn úıdiń qurylysyna jumsalatyn bolady, onyń bir bóligi apatty úılerdiń ıelenýshilerin kóshirý úshin óteýsiz negizde beriledi.
Turǵyn úı kesheni ınfraqurylymy damyǵan aýdanda, Eýrazııa gýmanıtarlyq ýnıversıtetiniń, «Aq kógershin» balabaqshasynyń, №16 OM jáne «Qazaqstan» SK jaqyn mańynda ornalaqsan.
Úıdiń qurylysy energııa jáne jylý únemdeý tehnologııasynyń talaptaryn esepke ala otyryp, júrgizilgen. Bul turǵyn úı keshenindegi páterler jaılylyqtyń 3 sanatyna jatady, ishki oryn-jaılardy taza árlengen kúıde (lamınat, túsqaǵaz, bólme aralyq esikter, sanıtarlyq túıinder men asúıdiń qabyrǵalarynyń qaptamasy - keramıkalyq plıtkadan, jabdyq - santehnıka). Qasbet granıt jáne sándik sylaqpen árlengen. Bir bólmeli páterlerdiń ortasha aýdany - 36m2, eki bólmeli páterlerdiń aýdany - 55m2, úsh bólmeli páterlerdiń aýdany -72m2.
Astana qalasyn odan ári damytý máseleleri jóninde jaqynda bolǵan keńeste Memleket basshysy keıbir qurylys kompanııalarynyń baǵa saıasatyn synǵa alǵan bolatyn, bul kompanııalar turǵyn úıdiń 1m2 satý qunyn qurylystyń naqty ózindik qunynan 5-6 esege joǵary belgilegen. Bul jaǵdaıda, salynǵan páterlerdiń jaılylyǵyna jáne sapasyna qaramastan turǵyn úıdiń 1m2 satý baǵasy 192 400 teńgeni quraıdy. Bul bolsa halyqtyń keń aýqymyna turǵyn úıdiń qoljetimdiligin qamtamasyz etedi.
2017 jyldyń sońyna deıin «Elorda damý» JShS turǵyn úıdiń 616 myń m2 salýdy josparlap otyr, onyń ishinen 180 myń m2 nemese 3 519 páter 228 apatty turǵyn úıdiń menshiktenýshilerin kóshirý úshin kommýnaldyq turǵyn úı qoryna tapsyrylatyn bolady.
