Astanada 125 myń turǵyn AQTQ-ny anyqtaý boıynsha testiden ótti - Densaýlyq saqtaý basqarmasy
ASTANA. 8 qarasha. QazAqparat /Gúlmıra Alıakparova/ - Astanada aǵymdaǵy jyldyń 9 aıy ishinde AQTQ ınfektsııasyn juqtyrý jaǵdaıy ótken jyldyń sáıkes kezeńimen salystyrǵanda 20 paıyzǵa artty.
Bul týraly búgin qala ákimdiginde 1 jeltoqsan - Dúnıejúzilik JQTB-men kúres kúnine oraı ótken baspasóz máslıhatynda elordalyq Densaýlyq saqtaý basqarmasy bastyǵynyń orynbasary Sáýle Qurmanova málim etti.
«Jyl basynan 1 qazanǵa deıingi jaǵdaı boıynsha, Astanada AQTQ ınfektsııasyn juqtyrýdyń 70 jaǵdaıy tirkeldi. 2010 jyldyń 9 aıyna qaraǵanda kórsetkish 1,2 esege artty», - dep atap ótti ol.
S.Qurmanova keltirgen málimetterge súıensek, Astanada AQTQ-ǵa shaldyqqan 458 adam tirkeldi, olardyń 32-si kóz jumdy. Astana qalasynyń 125 myń turǵyny nemese jalpy sanynyń 18 paıyzy AQTQ-ny anyqtaý boıynsha testiden ótti. Keseldi juqtyrǵandardyń denin eńbekke qabiletti 29-30 jas aralyǵyndaǵy adamdar qurap otyr. Juqpa kóbine jynystyq qatynastar arqyly beriledi.
