Astanada 120 qoıan-qoltyq jekpe-jek sheberi baq synaıdy
ASTANA. QazAqparat - Astanadaǵy «Kóktal» sport kesheninde 2014 jyldyń 11-13 qyrkúıek aralyǵynda qoıan-qoltyq jekpe-jeginen III respýblıkalyq týrnır ótedi. Onda QR Ulttyq gvardııa bas qolbasshysynyń kýbogy sarapqa salynbaq.
Onda 9 salmaq dárejesi boıynsha 120 sportshy synǵa túsedi.
13 qurama jarysqa qatysatynyn rastady. Olar Qorǵanys mınıstrliginiń, Ulttyq qaýipsizdik komıtetiniń, Іshki ister mınıstrliginiń, Memlekettik kúzet qyzmetiniń, QR Ulttyq gvardııasynyń, sonymen birge jekpe-jek túrleri boıynsha respýblıkalyq sporttyq uıymdardyń namysyn qorǵaıdy.
Jarys maqsaty - qoıan-qoltyq jekpe-jekti damytý, salaýatty ómir salty men sportty nasıhattaý, sportshylardyń jáne tóreshilerdiń kásibı sheberligin shyńdaý.
