Astanada 12 jastan asqan oqýshylarǵa JI tehnologııalardy tegin úıretetin ortalyq ashylady
ASTANA. KAZINFORM – Qazan aıynda 12-18 jas aralyǵyndaǵy oqýshylarǵa arnalǵan TUMO kreatıvti tehnologııalar ortalyǵy ashylady. Bul týraly Astana Hub basqarýshy dırektory Valerııa Te ortalyq kommýnıkatsııalar qyzmetinde ótken baspasóz máslıhatynda málim etti.
- Bul – oqýshylarǵa qosymsha bilim beretin zamanaýı platforma. Baǵdarlama 11 baǵytty qamtıdy, sonyń ishinde generatıvti JI, oıyn jasaý, anımatsııa, 3D modeldeý, robototehnıka jáne basqa da salalar bar. Munda ár oqýshy óz qabiletin damyta alady. TUMO – Astanada ornalasqan halyqaralyq JI ortalyǵy. Alem.ai ǵımaratynyń 2, 3-qabattarynda ornalasady. Munda jylyna 5000 oqýshyny tegin oqytýdy josparlap otyrmyz. Eshqandaı irikteý talaptary joq, - dedi ol.
Bul kýrstarǵa ótinim qabyldaý jýyqta alem.ai saıtynda bastalady.
- Aldaǵy 3-5 jylda biz bul jobany Qazaqstannyń barlyq aımaǵyna, sonyń ishinde shalǵaı eldi mekenderge deıin keńeıtip, árbir oqýshyǵa osyndaı múmkindikti qoljetimdi etýdi kózdep otyrmyz, - dedi Valerııa Te.
Buǵan deıin NU ınjeneri Anar Sandyǵulova aýtızm ereksheligi bar balalardy jasandy ıntellektige negizdelgen robot terapııasy arqyly ońaltý ádistemesin ázirlegenin jazǵan edik.