Astanada 12 myń kólikke arnalǵan avtoparkıng salý josparlanýda
ASTANA. QazAqparat - Astanada 12 myń kólikke arnalǵan parkıngter salý josparlanýda. Bul týraly "QazAqparat" agenttiginiń joldaǵan resmı saýalyna Astana qalasynyń sáýlet jáne qala qurylysy basqarmasynan habarlady.
Qazirgi ýaqytta kópqabatty parkıngterdiń qurylysy josparlanǵan 118 jer telimi belgilendi (olardyń tizimi saıtta jarııalanǵan). Bunyń aldynda kópqabatty úılerde parkıngterdiń quyrylysyna bólingen 36 jer telimi ózge nysandardyń qurylysyna paıdalanyla almaıdy.
"Atalmysh sheshimdi júzege asyrýǵa ınvestorlar tartylady. Osy shara jaqyn bolashaqta 12 001 kólik ornyn qurýǵa múmkindik beredi", - delingen basqarmanyń "QazAqparat" agenttigine bergen jaýabynda. Aıta ketý kerek, birde-bir qurylys kompanııasy qoǵamdyq jáne turǵyn úıler salý barysynda kólikterge arnalǵag parkıngterdi qarastyrmasa, qurylys nysanyn jobalap, ony salýǵa kirise almaıdy. Sonymen qatar parkıngke dep bólingen jer telimine basqa nysandardy sala almaıtyn boldy.
Elorda bıliginiń aqparaty boıynsha, 2014 jyly Astanada 3 153 kólikke arnalǵan jabyq avtoparkıngter paıdalanýǵa berildi.
