Astanada 12 myń doza esirtkiniń taralýyna tosqaýyl qoıyldy
ASTANA. KAZINFORM — «Qarasora — 2026» jedel-profılaktıkalyq is-sharasy aıasynda polıtsııa qyzmetkerleri Astana qalasynyń 40 jastaǵy turǵynyn ustady.
Іshki ister mınıstrliginiń málimetinshe, kúdikti Telegram messendjeri arqyly esirtki satýmen aınalysqan ınternet-dúkenniń «qoımasy» qyzmetin atqarǵan.
Tintý barysynda, sondaı-aq buryn jabdyqtalǵan jasyryn oryndardy tekserý kezinde oraý materıaldary, zip-lock paketteri jáne tórt keliden astam sıntetıkalyq esirtkiler — α-PVP men mefedron tárkilendi. Bul Astana aýmaǵynda taralýyna jol berilmegen 12 myńnan astam bir rettik doza.
— Zańsyz aınalymnan alynǵan árbir esirtki partııasy — aldyn alynǵan qylmystar, aman saqtalǵan adamdardyń ómiri. Atalǵan fakti boıynsha Qazaqstan Respýblıkasy Qylmystyq kodeksiniń 297-babynyń 3-bóligimen sotqa deıingi tergep-tekserý júrgizilip jatyr. Kúdikti ýaqytsha ustaý ızolıatoryna qamaldy. Іshki ister mınıstrligi esirtkini jetkizý, saqtaý jáne taratý arnalaryn anyqtaý jáne jolyn kesý boıynsha jumysty jalǵastyrady, — dedi ІІM esirtki qylmysyna qarsy is-qımyl komıteti tóraǵasynyń orynbasary Eldar Ábdikenov.
Eske salaıyq, buǵan deıin Almatyda páterden tolyq jabdyqtalǵan esirtki zerthanasy tabylǵanyn habarlaǵan edik.
