Astanada 12 qabatty úı órtendi, 82 adam qaýipsiz jerge kóshirildi
ASTANA. 17 jeltoqsan. QazAqparat - Astana qalasyndaǵy Respýblıka dańǵylynda ornalasqan kóppáterli turǵyn úıdiń 2-shi qabatynan bastap 12-shi qabatyna deıin 16 páterdiń balkony otqa orandy, dep habarlaıdy QR TJM baspasóz qyzmetinen.
Saldarynan 3 páterge zaqym keldi. Órtti sóndirýge Astana qalasy TJD órt sóndirý qyzmetiniń 21 tehnıkasy men jeke quramynyń 125 adamy, QR TJM «Apattyq medıtsına ortalyǵy» MB 3 adamy men 1 tehnıkasy jumyldyryldy. Jalyn 200 sharshy metr aýmaqty sharpydy. 82 adam qaýipsiz jerge kóshirildi, olardyń 12-si bala. Bári de din aman.
