Astanada 12 avtobýs júrgizýshisi ákimshilik jaýapkershilikke tartyldy
ASTANA. QazAqparat - Astanada qoǵamdyq jolaýshylar avtobýsynyń 12 júrgizýshisi ákimshilik jaýapkershilikke tartyldy. Bul týraly astana.kz saıtyna qalalyq Іshki ister departamentinen habarlady.
«Astana qalasynyń ІІD saıtyna jáne «102» qyzmetine elorda turǵyndary men qonaqtarynan qala boıynsha turaqty jolaýshylar tasymalyn júzege asyratyn qoǵamdyq kólik júrgizýshileriniń jol qozǵalysy erejelerin buzý faktileri týraly habarlamalar kelip turady. Polıtsııa qyzmetkerleri atalǵan faktiler boıynsha jedel is-sharalar qabyldaıdy. Qazirgi ýaqytta 12 avtobýs júrgizýshisi ákimshilik jaýapkershilikke tartyldy», - delingen habarlamada. Vedomstvonyń habarlaýynsha, ótken jyldan beri «102» qyzmetine tártip buzý faktisi boıynsha 13 joldama kelip túsken. Barlyq joldamalar qaraldy, 12 júrgizýshi kináli dep tanyldy. Aıta keteıik, baǵyttyq avtobýstardyń júrgizýshilerine qatysty 10-30 aılyq eseptik kórsetkish mólsherindegi aıyppul túrinde ákimshilik jaza qoldanylady.
