Astanada 115 polıtseı attestattaýdan súrindi
ASTANA. 14 qarasha. QazAqparat - Astana qalasy Іshki ister departamentiniń 115 qyzmetkeri kezekten tys attestattaýdan óte almaı qaldy.
Bul týraly búgin baspasóz máslıhatynda vedomstvonyń memlekettik til jáne aqparat bólimi bastyǵynyń orynbasary Sofııa Qolyshbekova málim etti.
«Óńirlik attestatsııalyq komıssııanyń sheshimi boıynsha qyzmetkerlerdiń 77 paıyzy atqaryp otyrǵan laýazymyna laıyq dep tanyldy. 105 qyzmetker kadrlyq rezervke qoıylyp, qyzmetterin joǵarylatý usynystary berildi. 124 qyzmetker óz laýazymynan tómendetilip, 115 qyzmetkerdi ishki ister organdarynan shyǵarý týraly sheshim qabyldandy», - dedi S.Qolyshbaeva.
Onyń aıtýynsha, emtıhan aldynda qyzmetkerlerdiń bedelin túsiretin málimetterdiń bar-joǵy tekserilgen. Sonymen qatar kadr apparaty attestattaýdan ótetin qyzmetkerlerdiń jeke isterin mindetti túrde zerdelep ótti. Attestattaý barysynda qyzmetkerlerdiń áskerı, qyzmettik jáne dene shynyqtyrý daıyndyqtary, sondaı-aq qyzmettik etıka men QR zańnamalaryn bilý deńgeıleri tekserildi.
