Astanada 11 jylǵa sozylǵan «saqaldy» qurylys aıaqtalyp, 445 úlesker baspanaly boldy
Elorda kúnine oraı qurylysy uzaqqa sozylǵan 10 nysandaǵy 21 turǵyn úıdiń qurylysy aıaqtaldy. Onyń arasynda «Jastar 4» turǵyn úı kesheni de bar.
Úleskerler bul turǵyn úı kesheniniń qurylysyna 2010 jyly qarjy salǵan, al 2015 jyly onyń qurylysy múldem toqtap qalǵan.
«Nurly jer» memlekettik baǵdarlamasy aıasynda 2020 jyly nysandaǵy qurylys-montajdaý jumysy qaıta jandandy.
Bul nysannyń tek qańqasy ǵana bar bolatyn. Qalalyq ákimdiktiń ýákiletti uıymy – «Elorda qurylys kompanııasy» JShS birqatar jumys júrgizdi.
Nysan tehnıkalyq tekserýden ótip, qorytyndysyna sáıkes jumys jobasy ázirlendi. Onyń negizinde ǵımarat konstrýktsııalaryn kúsheıtý boıynsha jumystar júrgizildi.
Úı basynan bastap qaıta salyndy dep te aıtýǵa bolady.
Terezeleri ornatyldy, sol sııaqty qasbetti ornatý jáne jylytý, ishki qabyrǵalardy ornatý, ishki jáne syrtqy árleý jumystary júrgizildi.
Turǵyndardyń ortaq paıdalanatyn oryndary retke keltirilip, lıftiler ornatyldy.
2021 jyldyń 7 shildesi kúni 445 úlesker kópten kútken páteriniń kiltin ala bastady. «Jastar 4» turǵyn úı kesheniniń qurylysy eki ret satylǵan.
Endi «Elorda qurylys kompanııasy» JShS atalmysh turǵyn úı kesheniniń 9-11 blogyndaǵy úleskerlerdiń problemasyn «Arystan» TK 1 blogynyń bos oryndaryna kóshirý arqyly sheshýdi josparlap otyr.
Al «Arystan» TK qurylysy kelesi jyly aıaqtalady.
Aıta keteıik, 2019 jyldyń jazynda elordada problemaly turǵyn úı sany 150-den kóp bolǵan.
Memleket basshysynyń tapsyrmasy negizinde qala ákimdigi qurylysy uzaqqa sozylǵan úılerdi aıaqtaý boıynsha júıeli jumys júrgizýde.
2019 jyldyń jarty jylynda 13 kóppáterli turǵyn úı kesheni salynyp, paıdalanýǵa berildi.
Al 2020 jyly 20 kóppáterli turǵyn úı aıaqtaldy.
Bıyl elordada taǵy 57 problemaly kóppáterli turǵyn úı kesheniniń qurylysyn aıaqtaý josparlanyp otyr.
Osy arqyly 7 myńnan astam úlesker kópten kútken páterine ıe bolady.
Úlestik qurylystyń árbir nysany boıynsha kezeń kezeńimen atqarylatyn is-sharalar jospary bar.
