Astanada 11 jastaǵy oqýshy tórt tilde 853 kitap oqyǵan

ASTANA. KAZINFORM – Astana qalasyndaǵy №17 mektep-gımnazııasynyń 6-synyp oqýshysy Altynaı Óteýbaeva elorda mektepteri oqýshylary arasynda kitap oqýdan kósh bastap otyr. On bir jastaǵy kitapqumar oqýshy osy jasyna deıin jalpy 853 kitap oqyǵan. Bul kórsetkish qala mektepteri boıynsha tirkelgen eń joǵary nátıje bolyp otyr, dep habarlaıdy elorda ákimdiginiń resmı saıty.

Mektep kitaphanasynyń meńgerýshisi Shapıra Sarsembekovnanyń aıtýynsha, Altynaı qazaq, orys jáne aǵylshyn tilderindegi kórkem ádebıetter men tanymdyq shyǵarmalardy erkin oqıdy. Sonymen qatar, ol frantsýz tilindegi kitaptardy da meńgerip júr. Jalpy alǵanda, jas oqyrman tórt tilde – qazaq, orys, aǵylshyn jáne frantsýz tilderinde kitap oqı alady.

Altynaı mektep kitaphanasyndaǵy barlyq kitapty tolyq oqyp shyqqan. Budan bólek, onyń úıinde jeke úlken kitaphanasy bar. Ata-anasynyń qoldaýymen Anglııa elinen kitaptarǵa arnaıy tapsyrys berip aldyrady. Bul onyń dúnıetanymyn keńeıtip, tildik qabiletterin damytýǵa zor yqpal etip otyr.

Mamandardyń pikirinshe, mundaı joǵary kórsetkish oqýshynyń tildik qoryn baıytyp qana qoımaı, oılaý qabiletiniń damýyna jáne akademııalyq jetistikteriniń artýyna oń áser etedi. Altynaı Óteýbaevanyń kitap oqýdaǵy jetistigi – jas oqyrmandar úshin úlgi bolarlyq nátıje.

Buǵan deıin Ulttyq ulanda 7 tilde erkin sóıleıtin polıglot sarbaz áskerı mindetin atqaryp júrgenin jazǵanbyz.