Astanada 11 jasar bala sýǵa ketip qala jazdady

ASTANA. KAZINFORM — Búgin Saryarqa aýdanyndaǵy kommýnaldyq jaǵajaıda, Sh.Beısekova kóshesindegi kópir mańynda júrgizilgen josparly patrýldeý barysynda Tótenshe jaǵdaılar mınıstrligi jedel-qutqarý jasaǵynyń qyzmetkerleri 11 jastaǵy balany qutqaryp qaldy.

TJM baspasóz qyzmeti jazǵandaı, shomylyp júrgen kezde balanyń aıaǵy tartylyp, sýdan shyǵa almaı, úreılene bastaǵan. Qutqarýshylar der kezinde kómek kórsetip, balany sýdan alyp shyqty.

Medıtsınalyq kómek qajet bolmady — jaǵdaıy qanaǵattanarlyq.

Aıta keteıik, TJM qutqarýshylary úsh myńdyq bıiktikten úsh adamdy evakýatsııalady.