Astanada 11 sáýirde jas oryndaýshylardyń «Jas qanat» baıqaýy ashylady
ASTANA. QazAqparat - Astanada 11-13 sáýir kúnderi jas oryndaýshylardyń jıyrma úshinshi respýblıkalyq «Jas qanat» baıqaýy ótedi, dep habarlady baıqaýdy uıymdastyrýshylardyń baspasóz qyzmeti.
Bıylǵy jyly oǵan jas oryndaýshylardan 100-den astam ótinim tústi. Olardyń 14-i ǵana irikteý týrynyń barlyq kezeńderinen súrinbeı ótti.
Jas ónerpazdar qazaq, orys, aǵylshyn, ıtalıan, qyrǵyz, serb jáne frantsýz tilderinde án shyrqaıdy.
Baıqaýdy uıymdastyrýshylar - Astana qalasynyń ákimdigi, «Habar» agenttigi, «Azııa daýysy» halyqaralyq festıvaliniń dırektsııasy jáne Astana qalasynyń mádenıet basqarmasy.
