Astanada 11 memlekettiń tsırk óneriniń maıtalmandary bas qosady

Basqarma taratqan málimetterge qaraǵanda, jyl saıyn Astananyń týǵan kúnine oraı elordada ondaǵan túrli shara uıymdastyrylady. Onyń ishinde festıvalder, kontsertter men konkýrstar bar. Osy sharalardyń basym bóligin ótkizý ıgi dástúrge aınalǵan. Al, «Azııa jańǵyryǵy» halyqaralyq festıvali Ortalyq Azııada ótetin birgeı shara.

Festıval shildeniń 4-i men 8-i aralyǵynda ótedi jáne onda tsırk óneriniń eń myqty degen artısteri ózderiniń úzdik jetistikterin kópshilik nazaryna usynady.

Astanalyq tsırk kúmbeziniń astynda eki konkýrstyq baǵdarlama aıasynda 12 memleketten 60-tan asa artıst óner kórsetedi! Bıyl Astanaǵa Qazaqstan, Qyrǵyzstan, Ózbekstan, Túrikmenstan, Vetnam, Reseı, Belarýs, Frantsııa, Kanada, Nıkaragýa, Efıopııa jáne Vengrııa elderiniń tsırk óneriniń maıtalmandary bas qosady.

Tsırk ındýstrııasy men mádenıet qaıratkerlerinen qurylǵan halyqaralyq tóreshiler komandasy qatysýshylardyń sheberligin baǵalaıdy.

Qazylar alqasynyń tóraǵasy - «Astanalyq tsırk» MKQK bas dırektory, QR eńbek sińirgen artısi Erik Joljaqsynov. Budan basqa, qazylar alqasynyń quramyna Ýkraına ulttyq tsırkiniń dırektory, KSRO halyq artısi Lıýdmıla Shevchenko (Ýkraına), Belarýs Memlekettik tsırkiniń dırektory Vladımır Shaban (Belarýs), Monte-Karlodaǵy Halyqaralyq tsırk festıvaliniń vıtse-prezıdenti Ýrs Pıls (Monte-Karlo), «Latıno» halyqaralyq tsırk festıvaliniń prezıdenti Fabıo Montıko (Italııa), Velkı tsırkiniń bas dırektory Djerzı Kozıak, Maıamıdegi Faerberd prodakshn kompanııasynyń prezıdenti Petr Dýbınskıı, «Erevan tsırkiniń» kórkemdik jetekshisi, bas dırektory Sos Iosıf Petrosıan (Armenııa), Saha Respýblıkasynyń «Marfa jáne Sergeı Rastorgýevtar atyndaǵy Memlekettik tsırkiniń» dırektory Sergeı Rastorgýev (ıAkýtııa), Ýkraına Memlekettik tsırk kompanııasynyń dırektory ári kórkemdik jetekshisi Sergeı Kabakov (Ýkraına), «Tsırk artısteriniń assotsıatsııasy» qoǵamdyq uıymynyń múshesi-quryltaıshysy Lolıta Lıpınska (Latvııa), Túrikmendik tsırk dırektory Ilamanov Annamýhammed (Túrkmenstan), Qazaq Memlekettik tsırkiniń dırektory - kórkemdik jetekshisi, mádenıettanýshy Baqyt Bókebaev (Qazaqstan) jáne «Ońtústik-Tsırk» bas dırektory Arman Álıev (Qazaqstan) endi.

Munymen qosa, qurmetti qonaq retinde festıvalǵa Vengrııadan tanymal pil úıretýshi Rıchard Takas pen Ýkraınadan shoý-baǵdarlamalardyń jetekshisi Vıktorııa Grıtsenko shaqyryldy.