Astanada 11 keli geroınmen er adam ustaldy
ASTANA. QazAqparat - Astana qalalyq ІІD-niń esirtki bıznesine qarsy kúres basqarmasynyń qyzmetkerleri elorda aýmaǵynda esirtkimen zańsyz is-qımyldar júrgizýge qatysy bar Aqmola oblysynyń 28 jastaǵy turǵynyn ustady.
Jedel-izdeý sharalaryn ótkizý barysynda astanalyq polıtsııanyń qyzmetkerleri salmaǵy 300 gramnan asatyn geroın tabylǵan Aqmola oblysynyń 28 jastaǵy turǵynyn ustady. Ustalǵan azamattyń turyp jatqan úıin tekserý kezinde esirtkilik zat tabyldy. Ótkizilgen saraptama onyń geroın ekenin anyqtady. Tárkilengen esirtkiniń jalpy salmaǵy 11 keliden asady.
Qara bazarda joǵaryda atalǵan esirtkiniń baǵasy jarty mıllıonnan astam AQSh dollaryn nemese 55 myń bir rettik dozany qurap otyr.
Atalǵan fakt Qazaqstan Respýblıkasy Qylmystyq kodeksiniń 297-babymen sol aldyndaǵy tergeýdiń Biryńǵaı tiziminde tirkelgen. Ustalǵan azamat Astana qalalyq ІІD-niń ızolıatoryna qamaýǵa alyndy. Sol aldyndaǵy tergeý amaldary júrgizilip jatyr.
Qazirgi ýaqytta Astana qalalyq ІІD-niń qyzmetkerleri esirtkini jetkizý arnalary men olardy satý kestesin, sondaı-aq ustalǵan azamattyń elorda aýmaǵynda esirtki qylmystaryn jasaýǵa qatystylyǵyn anyqtaý boıynsha arnaıy jedel-izdeý sharalaryn ótkizip jatyr.
