Astanada 11 qazanda jalpy qalalyq senbilik ótedi

ASTANA. KAZINFORM — «Taza Qazaqstan. Astana — tazalyq pen tártiptiń úlgisi» atty ekologııalyq aktsııa aıasynda elordada 11 qazan kúni keń aýqymdy senbilik uıymdastyrylady, dep habarlaıdy qala ákimdiginiń resmı saıty.

Іs-shara barysynda qala aýmaǵy qoqystan tazartylyp, saıabaqtar men gúlzarlar, aýlalar jáne saýda, qoǵamdyq tamaqtaný nysandarynyń mańaıy retke keltiriledi.

Sonymen qatar elordanyń alty aýdanynda aǵash otyrǵyzý jumysy júrgiziledi.

Ákimdik kásiporyndar men uıymdardy, turǵyn úı ıeleri birlestikterin (MIB, PIK), shaǵyn jáne orta bıznes ókilderin, eriktiler men belsendi qala turǵyndaryn senbilikke qatysýǵa shaqyrady.

— Ekoaktsııanyń basty maqsaty — elordanyń tazalyǵyn saqtaýǵa qoǵam nazaryn aýdarý jáne ekologııalyq mádenıetti damytý. Qala kósheleri men aýlalarynyń kórkeıip, taza bolýy úshin kez kelgen qala turǵyny óz úlesin qosa alady. Senbilik tańǵy saǵat 10:00–de bastalady, — delingen ákimdik habarlamasynda.

Osydan buryn elordada 20 qyrkúıekte jalpyqalalyq senbilik ótken edi.