Astanada 11 aılyq náreste óliminiń sebebi anyqtaldy
ASTANA. QazAqparat - Astana qalasy qoǵamdyq densaýlyq saqtaý departamentiniń basshysy Sádýaqas Baıǵabylov 11 aılyq sábıdiń ólimi boıynsha tergeý nátıjesi shyqqanyn aıtty, dep habarlaıdy QazAqparat tilshisi.
«Náresteniń ólimine júrek-qan tamyry, ókpe jáne ortalyq-júıke júıesinde týǵannan paıda bolǵan aqaý sebep boldy», - deıdi departament basshysy S. Baıǵabylov.
Onyń aıtýynsha, oqıǵaǵa qatysty keshendi saraptaý júrgizilip, sonymen qatar statsıonardaǵy medıtsınalyq qyzmet kórsetýdiń barlyq kezeńi boıynsha dárigerlerdiń áreketine baǵa berildi. Sondaı-aq, tekserý jumystary medıtsınalyq qyzmet kórsetý taktıkasy jáne emdik is-shara júrgizý týraly hattamaǵa sáıkes júrgizildi.
Eske sala ketsek, ústimizdegi jyldyń qańtar aıynda Astanada 11 aılyq náreste júrek aqaýy men gangrenadan qaıtys bolǵan edi. Oryn alǵan oqıǵadan soń departament basshysy Sádýaqas Baıǵabylov ol boıynsha tıisti tekseris pen saraptama júrgiziletinin jáne is óziniń erekshe qadaǵalaýynda bolatynyn aıtyp ótken bolatyn.
