Astanada 11 aılyq qyz júrek aqaýy men gangrenadan qaıtys boldy
ASTANA. QazAqparat - Astana qalasynyń qoǵamdyq densaýlyqty saqtaý departamentiniń basshysy Sádýaqas Baıǵabylov týabitti júrek aqaýy jáne gangrena saldarynan 11 aılyq qyzdyń qaıtys bolýyna qatysty pikir bildirdi, dep habarlaıdy QazAqparat departamenttiń baspasóz qyzmetine silteme jasap.
Osy jaǵdaıdy tekserý úshin qosymsha táýelsiz sarapshylar shaqyrylyp, dárigerlerdiń qyzdy emdeýdiń barlyq kezeńindegi áreketterin ádil baǵalaý boıynsha keshendi tekseris bastaldy.
«Tekserister men saraptama qorytyndylary dárigerlerge qatysty zań aıasynda shara qoldanýǵa paıdalanylady. Bul máseleni Astana qalasynyń qoǵamdyq densaýlyqty saqtaý departamenti erekshe qadaǵalap otyr», - dep málimdedi departamenttiń baspasóz qyzmeti.
