Astanada 11 avtobýstyń qozǵalys syzbasy ózgerdi
ASTANA. QazAqparat - Astanada Turan dańǵylynyń jóndelýine baılanysty 11 avtobýstyń qozǵalys syzbasy ózgerdi, dep habarlaıdy QazAqparat «Astana LRT» baspasóz qyzmetine silteme jasap.
«Elordada Turan dańǵylynyń Qorǵaljyn tas jolynan Saraıshyq kóshesine deıingi ýchaskesinde jóndeý jumystarynyń júrgizilýine baılanysty, avtobýs qozǵalysy shekteledi», - delingen habarlamada.
Osyǵan baılanysty, 12, 32, 35, 46, 53, 54, 102, 107, 300, 305 jáne 312-shi avtobýstardyń júrý baǵdary ózgeredi.
