Astanada «102» qyzmetiniń operatoryn balaǵattaǵan er adam sottaldy
ASTANA. KAZINFORM — Qala turǵyny «102» arnasyna qońyraý shalý barysynda operatordyń atyna balaǵat sózder aıtyp, QR QK-niń 378-babynyń 1-bóliginde kózdelgen «Bılik ókilin óz qyzmettik mindetterin atqarý kezinde qorlaý» qylmystyq quqyq buzýshylyǵyn jasaǵan.
Sot talqylaýy barysynda memlekettik aıyptaýshy sottalýshynyń kinásin tolyq dáleldedi.
Sot úkimimen oǵan 30 saǵat qoǵamdyq jumystarǵa tartý túrindegi jaza taǵaıyndaldy. Úkim zańdy kúshine endi.
Astana prokýratýrasy tótenshe qyzmetterdiń qyzmetkerleri kún saıyn azamattardyń qaýipsizdigin qamtamasyz etip, óz mindetterin joǵary jaýapkershilikpen atqaratynyn eske saldy. Bılik ókilin qyzmettik mindetterin atqarý kezinde qorlaý qylmystyq jaýaptylyqqa ákep soǵady.
Eske salaıyq, buǵan deıin áskerde zorlyq kórdim dep ótirik aıtyp, aqsha jınaǵan jigit sottalǵanyn habarlaǵan edik.
