Sportty damytý dırektsııasy 40 mln teńge bıýdjet qarajatyn jymqyrǵan

ASTANA. KAZINFORM – Astana qalasynda «Olımpıadalyq emes túrler boıynsha sportty damytý dırektsııasy» KMM-da bıýdjet qarajatyn júıeli túrde urlaý faktisin Qarjylyq monıtorıng agenttigi anyqtady.

«Máselen, 2021-2022 jyldar kezeńinde KMM laýazymdy tulǵalary oqý-jattyǵý jıyndaryn ótkizýge bólingen bıýdjettik qarajatty jymqyrǵan. Іs júzinde jıyndar ótkizilmegen, jattyqtyrýshylar sportshylardyń júrip-turýy jáne tamaqtanýy týraly jalǵan esepter tapsyrǵan», — delingen habarlamada.

Zańsyz áreketterden memleketke keltirilgen zalal somasy 40 mln teńgeden asady.

Osy fakti boıynsha sotqa deıingi tergeý júrgizilip jatyr, kúdikti sottyń sanktsııasymen qamaýǵa alyndy.

QR QPK 201-babynyń talaptaryna sáıkes ózge de málimetter jarııa etilýge jatpaıdy