Astanada 100 ulttyń mýzykanty kontsert qoıady

NUR-SULTAN. QazAqparat – Astanada «Beıbitshilik mýzykasy» atty 100 ulttyń mýzykantynyń basyn qosqan kontsert ótkizý josparlanyp otyr. Bul jóninde Nur-Sultan qalasy mádenıet basqarmasynyń basshysy Sanat Shapashov qalalyq máslıhat otyrysynda málim etti, dep habarlaıdy QazAqparat tilshisi.

«Gınnestiń rekordtar kitabymen kelissóz júrgizdik. Álemdik dinı kóshbasshylardyń sezinde dúnıe júzinde alǵash ret 100 túrli ulttyń mýzykanttarynyń basyn qosqan ansambl qurmaqpyz. Gınnestiń rekordtar kitabyna útimker retinde tirkelip te qoıdyq», - dedi Samat Shapashov.

Sondaı-aq, ol qaladaǵy Memlekettik akademııalyq fılarmonııanyń ártisteri ǵımaratqa syımaı jatqanyn eske saldy.

«Memlekettik akademııalyq fılarmonııaǵa 7 aılyq arenda shyǵyndaryna 220 mln teńge qajet. Adamdar syımaı jatqandyqtan 7 aıǵa qosalqy ǵımarat jaldaýǵa májbúrmiz. Sondaı-aq, fılarmonııa ártisteriniń repertýaryn tanymal platformalarǵa shyǵarǵymyz keledi. Adamdarǵa Apple platformasynda ulttyq orkestrlik mýzykany estý múmkindigin bermekpiz. «Sheksiz qala» deıtin jaqsy jobamyz bar. Sonyń aıasynda 1 maýsymnan bastap tamyzdyń sońyna deıin ártisterdiń Úrker, Kóktal, Óndiris eldi yqsham aýdandaryn aralap, oıyn-saýyq baǵdarlamasyn, dárister men sheberlik saǵattaryn ótkizýi josparlanǵan. Medıa tulǵalarmen kezdesýler de ótkiziledi. ıAǵnı, jaz boıy shetkeri aýdandarda turatyn balalar osyndaı jolmen qosymsha bilim alady», - dedi Sanat Shapashov.

Máslıhat otyrysynda qalalyq tilderdi damytý jáne arhıv isi basqarmasynyń basshysy Sáken Esirkep shahardyń jańa kóshelerine ólkedegi kóne tarıhı ataýlardy berý josparlanyp otyrǵanyn aıtty.