Astanada 100 myń tekshe metrden astam jańbyr sýy soryldy
ASTANA. QazAqparat - Astanada eki apta boıy nóser jaýyn jaýyp, kún kúrkiredi. Nóser jaýyndar kezinde (16-26 mamyr aralyǵynda) elordada 100 myń tekshe metrden astam sý soryldy, dep habarlady qalalyq ákimdiktiń baspasóz qyzmetinen.
Sonyń ishinde, «Almaty» aýdanynda 46210 m3 sý, «Saryarqa» aýdanynda 38800 m3 sý, «Esil» aýdanynda 20337 m3 sý soryldy.
Qazgıdromettiń habarlaýynsha, Astanada aldaǵy kúnderi aýa temperatýrasy +27°S deıin kóteriledi. Kóshpeli bult shyǵyp, jańbyr jaýady. 28 mamyrda kún ala bultty, jaýyn-shashynsyz bolady. Túnde aýa temperatýrasy +10+12°S, kúndiz +23+25°S. Juma, 29 mamyr kúni aýa temperatýrasy kúndiz +25+27°S, túnde +11+13°S jyly bolady. 30 mamyr, senbi kúni sınoptıkterdiń boljamynsha, kún ala bultty bolyp, ótkinshi jańbyr jaýady. Túnde aýa temperatýrasy +8+10°S, kúndiz +23+25°S deıin kóteriledi.
