Astanada 100 myń adam jalpyqalalyq senbilikke shyǵady
ASTANA. QazAqparat - «Biz - taza elordany qoldaımyz!» jalpyqalalyq senbiligine 100 000 astam adam, 5000 astam kásiporyn men uıymdar, 49 joǵary jáne orta arnaýly oqý orny, 184 mektepke deıingi jáne jalpy bilim beretin oqý orny, 73 densaýlyq saqtaý mekemesi, 152 memlekettik mekeme, vedomstvo jáne ulttyq kompanııa qatysady dep josparlanyp otyr. Sonymen qatar, 560 biregeı tehnıka jumyldyrylmaq. Senbilikke qatysýshylar qajetti qural-jabdyqtarmen (kúrek, tyrmalaýysh, qoqys salatyn qapshyq) qamtamasyz etiledi.Bul týraly ákimniń resmı saıtyna silteme jasap QazAqparat habarlaıdy.
Senbilikte myna jumystarǵa basymdyq beriledi:
- jappaı aǵash otyrǵyzý;
- beı-bereket tógilgen qaldyqtar men lastanyp ketken aımaqtardy joıý sharalaryna qatysý;
- ekologııalyq aktsııany ótkizý.
Aýdan ákimdikteri qulaqtandyrý isin júrgizedi jáne ózderine bekitilgen irgeles aýmaqtaǵy qajetti jumystardyń túrin kórsetetin habarlamany taratýmen aınalysady.
PIK tóraǵalary turǵyndardy mańaıdaǵy úılerdiń terrıtorııasyna sanıtarlyq tazartý jumystaryn júrgizýge, kóshet otyrǵyzý, shaǵyn arhıtektýralyq retke keltirý jumystaryn uıymdastyrady.
Jalpyqalalyq senbilik kezinde 7 848 aǵash pen 2 790-nan astam jas tal-buta otyrǵyzý josparlandy:
- Almaty aýdany boıynsha 1 208 aǵash, Esil ózeni jaǵasyndaǵy saıabaqtyń aýmaǵyna - 600 dana, EUÝ mańaıyna - 108 dana, Mıchýrıno, Promyshlennyı, Internatsıonalnyı,Jeleznododorojnyı poselkelerine - 500 dana;
- Baıqońyr aýdany boıynsha 400 aǵashty Pýshkın-Kenesary kóshesindegi gúlzar aýmaǵyna otyrǵyzady;
- Esil aýdany boıynsha 6090 aǵash Orynbor k. (Jasyl kvartaldan Sh. Aıtmatov k. deıin) - 2 621 dana, E16 kóshesi boıyna - 719 dana aǵash jáne 2 790 butadan jasalǵan sharbaq otyrǵyzylady, al Ábish Kekilbaev alleıasyna - 250 dana, 2500 dana jalańash túpkóshetti taratady;
- Saryarqa aýdany boıynsha 150 aǵash Qosshyǵululy kóshesi men Sarybulaq jylǵasynyń jaǵasyna, Seıfýllın, Kenesary kóshelerine otyrǵyzylady.
Qala ákimdigi Astana qalasynyń barlyq turǵyndaryn 12 mamyr 2018 jyly «Biz - taza elordany qoldaımyz!» uranymen ótetin jalpyqalalyq senbilikke qatysyp, árbir kóshe men aýlanyń kórkeıýine óz úlesińizdi qosýǵa shaqyrady.
