Astanada 100 myń adam kóshe sypyryp, aǵash egýge shyǵady
ASTANA. QazAqparat - «Astana - taza ári qaýipsiz qala» aktsııasynyń aıasynda 21 sáýir men 12 mamyr aralyǵynda senbilik ótedi. Bul týraly QazAqparat elorda ákimdiginiń saıtyna silteme jasap habarlaıdy.
Astana ákimdiginiń málimeti boıynsha, senbilikke 100 myńnan astam adamdy qatystyrý josparlanǵan. 1 myńnan astam mekeme men kásiporyn, 49 joǵary jáne orta arnaýly oqý orny, 184 mektepke deıingi jáne jalpy bilim beretin mekeme, 73 densaýlyq saqtaý mekemesi, 152 memlekettik mekeme, vedomstvolar men ulttyq kompanııalar jumyldyrylady, 560 tehnıka tartylatyn bolady. Qatysýshylar kúrek, tyrma, qolǵap, qoqys salatyn qapshyq sııaqty quraldarmen qamtamasyz etiledi.
Sonymen qatar Astana ákimdigi «ESO Astana aılyǵy» jobasyn iske qosty, onda 4 baǵyt bar: «Biz dostyq pen taza aýla úshin!», «ESO university», «ECO college» jáne «ECO school». Joba - qala ekologııasyn jaqsartýǵa jáne óskeleń urpaqtyń azamattyq belsendi pozıtsııasy men ekologııalyq mádenıetin qalyptastyrýǵa shaqyrady.
Budan basqa, sanıtarlyq tazalaý boıynsha «Bólek jınaý» is-sharasyn ótkizý josparlanýda. Maqsat - Esil, Aqbulaq jáne Sarybulaq ózenderiniń jaǵalaýyn turmystyq jáne óndiristik qaldyq zattardan tazalaý. Buǵan L. Gýmılev atyndaǵy Eýrazııa ulttyq ýnıversıteti men S. Seıfýllın atyndaǵy Qazaq agrotehnıkalyq ýnıversıtetiniń stýdentterin, eriktiler men áskerı bólimniń áskerı qyzmetshileri jumyldyrylady.
Qala ákimdigi abattandyrý erejesin saqtamaǵan nysandar Ákimshilik quqyq buzýshylyq týraly Kodekstiń 505-babyna sáıkes «qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq qalalar men eldi mekender ınfraqurylymy obektilerin buzý, jasyl ekpelerin joıý jáne búldirý» boıynsha aıyppul salynatynyn eskertedi.
Qaladaǵy barlyq qurylys nysandaryn 29 naýryzda tekserý barysynda 44 nysannyń qurylys-montajdaý jumystary toqtatyldy. Jyl basynan beri qurylys alańdarynda sanıtarlyq talapty saqtamaǵany úshin 87 qurylys kompanııasy ákimshilik jaýapqa tartyldy.
