Astanada 100-ge jýyq jol-kólik oqıǵasy tirkeldi

ASTANA. KAZINFORM — 8 jeltoqsan kúngi jaýǵan qar Astanadaǵy kólik qozǵalysyn qıyndatty. Astana polıtsııasy júrgizýshilerdi qaýipsizdik sharalaryn saqtaýǵa shaqyrady, dep habarlaıdy Kazinform tilshisi.

Astana polıtsııa departamentiniń málimeti boıynsha, kún basynan beri 93 jol-kólik oqıǵasy tirkelgen.

Quqyq qorǵaý organdary jyldamdyq shegi men qashyqtyqty saqtap, oqys qozǵalystan aýlaq bolýǵa jáne jaıaý júrginshiler ótkeli men qıylystardyń aldynda jyldamdyqty azaıtýǵa keńes berdi.

— Sonymen qatar, kóligińizdiń tehnıkalyq jaǵdaıyna erekshe nazar aýdarý kerek. Qys mezgilinde kólikterdi tek qysqy shınalarmen júrgizýge ruqsat etiletinin eske salamyz. Bul erejelerdi buzý aıyppulǵa ákep soǵady, — dep atap ótti polıtsııa.

Sınoptıkterdiń málimeti boıynsha, 8 jeltoqsan kúni túnde qardyń qalyńdyǵy eki santımetrge jetken. Tańerteńnen beri qala boıynsha kóshelerdi tazalaý jumystary júrgizilip jatyr.

Astana ákimdiginiń málimeti boıynsha, alty aýdanda qar tazalaýǵa shamamen 3000 jol jumysshysy jáne 1000-nan astam arnaıy tehnıka jumyldyryldy.

1 myńnan asa tehnıka jáne 3 myń jumysshy qar basqan elordany tazartyp jatyr

Buǵan deıin «Qazgıdromet» memlekettik kásiporny aımaqtarda aýa raıynyń kúrt nasharlaıtyny týraly eskertken bolatyn. Naqtyraq aıtqanda, Aqmola oblysynda 9-10 jeltoqsanda temperatýra -22-den -27°C-qa deıin tómendeıdi, al keı jerlerde temperatýra -30°C-qa jetedi.