Astanada 100-ge jýyq kommýnaldyq qyzmetker Ánurandy birge oryndady
ASTANA. KAZINFORM — Memlekettik rámizder kúnine oraı Astanadaǵy «Báıterek» monýmenti alańynda Qazaqstan Respýblıkasynyń Memlekettik Ánuranyn saltanatty túrde oryndaý rásimi ótti.
Patrıottyq is-sharaǵa «Astana Tazalyq» qalalyq mekemesiniń 100-ge jýyq qyzmetkeri qatysyp, Memlekettik Ánurandy birge oryndady.
Búginde kásiporynda 1500-den astam adam eńbek etedi. Mekemeniń negizgi mindeti — elordanyń sanıtarlyq tazalyǵyn qamtamasyz etip, qalanyń kórkeıýine ári turǵyndarǵa jaıly bolýyna úles qosý.
— Bizdiń mekemede 1500-den astam adam qyzmet etedi. Olardyń bir bóligi búgingi is-sharaǵa qatysty. Bul biz úshin patrıottyq rýhty nyǵaıtýǵa, memlekettik rámizderge degen qurmetti arttyrýǵa jáne el birligin dáripteýge óz úlesimizdi qosý múmkindigi, — dep atap ótti «Astana Tazalyq» JShS baspasóz hatshysy Qymbat Baqytkeldi.
Іs-sharanyń maqsaty — patrıottyq rýhty nyǵaıtý, memlekettik rámizderge degen qurmetti arttyrý jáne qoǵamda azamattyq jaýapkershilik qundylyqtaryn dáripteý.
«Taza sana — taza qala» qaǵıdatyn basshylyqqa alǵan kásiporyn qyzmetkerleri qala tazalyǵyn saqtaýmen qatar, elge degen qurmet pen birlik qundylyqtaryn nasıhattaýǵa da erekshe mán beredi.
— Biz úshin búgingi sharanyń mańyzy zor. Memlekettik Gımndi birge oryndaý — elimizge, memlekettik rámizderimizge degen qurmettiń belgisi. «Astana Tazalyq» qyzmetkerleri kún saıyn qalanyń tazalyǵy úshin eńbek etedi. Osyndaı patrıottyq is-sharalarǵa qatysý — biz úshin úlken maqtanysh. Barsha qazaqstandyqtardy Memlekettik rámizder kúnimen quttyqtaımyn!, — dedi «Astana Tazalyq» JShS qolmen jınaý brıdagasynyń sheberi, 6 jyldan asa eńbek etetin qyzmetker Aıgerim Shilimbetova.
Іs-shara sońynda «Astana Tazalyq» ujymy barsha qazaqstandyqtardy Memlekettik rámizder kúnimen quttyqtady.
Buǵan deıin elordada jumysshy mamandyqtar baıqaýynda «Astana Tazalyq» kósh bastaǵanyn jazdyq.
