Astanada 10 myńnan astam oqýshy nashaqorlyqqa qarsy ınteraktıvti sabaqqa qatysty
ASTANA. QazAqparat - Búgin Astanada QR ІІM Esirtkige qarsy kúres departamenti №15 orta mektepte nashaqorlyqqa qarsy taqyrypta ınteraktıvti sabaq ótkizdi.
Oǵan onlaın rejimde qaladaǵy barlyq mektepterdiń 10 myńǵa tarta oqýshysy qatysty. Sharada QR ІІM Esirtkige qarsy kúres departamentiniń basshysy Sultan Qusetov, qazaqstandyq gımnasshy Anna Alıabeva, narkolog-dárigerler men esirtkige qarsy kúres baǵytyndaǵy úkimettik emes uıymdardyń ókilderi baıandama jasady.
"Búgingi is-sharanyń maqsaty - mektep jasyndaǵy balalardy, kámeletke tolmaǵan jastardy nashaqorlyqtan saqtaý, aldyn alý. Sondyqtan búgingi jınalǵan js óskinderge biz esirtkiniń qandaı zııany baryn, nege ony tutynýdyń qajeti joq ekenin, salaýatty ómir saltyn saqtaný boıynsha aqparatty berip jatyrmyz. Bul sabaqqa Astana qalasynyń 50 mektebi qatysyp otyr. Ár mektepten 50-den 200- ge deıin oqýshy qatysýda. Bul shamamen 10 myń bala búgingi aqparatty tyńdaýda degen sóz", - deıdi QR ІІM Esirtkige qarsy kúres departamentiniń aǵa-ınspektory Rıza Tóleýbaeva.
Sońǵy bes jyldaǵy statıstıka boıynsha, esirtkige elitkender sany 40 myńnan 30 myńǵa deıin tómendegen. Onyń ishinde kámelettik jasqa tolmaǵandar arasyndaǵy nashaqorlar sany 77,3 paıyzǵa kemigen.
