Astanada 10 keliden astam gashısh tárkilendi
ASTANA. KAZINFORM – Elordada elimizdiń ońtústik óńirlerinen esirtki jetkizýmen aınalysqan kúdiktiler ustaldy.
Іshki ister mınıstrliginiń málimetinshe, operatsııa «Zań men tártip» qaǵıdatyn iske asyrý aıasynda júrgizilgen.
Astana qalasynyń esirtki qylmysyna qarsy is-qımyl bólimshesiniń qyzmetkerleri kannabıstik topqa jatatyn esirtki zattaryn turaqty jetkizý arnasynyń jolyn kesken.
– Uzaq merzimdi jedel ázirleý nátıjesinde bıylǵy 26 mamyrda eki er adam bir mezette ustaldy, – delingen Polisia.kz saıtynda jarııalanǵan habarlamada.
Kúdiktilerdiń avtokóligi men turǵylyqty mekenjaıyna júrgizilgen tintý barysynda Shý óńirinen jetkizilgen esirtki zattary anyqtalǵan.
– Tintý kezinde 3 keli jáne 7 keli gashısh tárkilendi. Tárkilengen esirtkiniń jalpy salmaǵy 10 keliden asty, – dep habarlady vedomstvo.
Atalǵan derek boıynsha Qazaqstan Respýblıkasy Qylmystyq kodeksiniń 297-babynyń 3-bóligi boıynsha sotqa deıingi tergep-tekserý bastaldy.
Qazirgi ýaqytta quqyq qorǵaý organdary esirtki tasymaldaý jáne jetkizý shemasyna qatysy bolýy múmkin ózge tulǵalardy anyqtap jatyr.
Kúdiktiler ýaqytsha ustaý ızolıatoryna qamaldy.
– Elimizde esirtki jetkizý arnalarynyń jolǵa qoıylýyna baǵyttalǵan kez kelgen áreketterdiń joly dereý kesiletin bolady, – dep málimdedi Іshki ister mınıstrligi.
Aıta keteıik, Almatyda esirtki taratqan 6 jasóspirim ustaldy: olar 10 jylǵa deıin qamalýy múmkin.
