Astanada 10 qazannan bastap avtobýstar sany artady: ózgerister qashan kúshine enedi
ASTANA. KAZINFORM — Astanada 10 jáne 12 qazannan bastap birqatar qoǵamdyq kólik baǵyttaryndaǵy avtobýstar sany artady. Ózgerister 11 qalalyq jáne 5 ekspress baǵytty qamtyp, jolaýshylardyń kútý ýaqytyn qysqartýǵa baǵyttalǵan. Bul týraly Astana qalasy ákimdiginiń Qalalyq monıtorıng jáne jedel áreket etý ortalyǵy málimdedi.
Kóliktik qyzmet kórsetýdi jaqsartý maqsatynda 11 qalalyq baǵdarda demalys jáne jumys kúnderi qatynaıtyn avtobýstar sany 22 jáne 5 ekspress-baǵdarda 10 avtobýsqa artady.
10 qazannan bastap, demalys kúnderi:
— № 12 baǵdar — endi 12 avtobýs (buryn 11);
— № 37 baǵdar — endi 12 avtobýs (buryn 10);
— № 46 baǵdar — endi 16 avtobýs (buryn 15);
— № 50 baǵdar — endi 14 avtobýs (buryn 12);
— № 64 baǵdar — endi 12 avtobýs (buryn 11).
12 qazannan bastap, jumys kúnderi:
— № 3 baǵdar — endi 20 avtobýs (buryn 18);
— № 4 baǵdar — endi 20 avtobýs (buryn 16);
— № 5 baǵdar — endi 20 avtobýs (buryn 16);
— № 35 baǵdar — endi 18 avtobýs (buryn 16);
— № 36 baǵdar — endi 18 avtobýs (buryn 17);
— № 63 baǵdar — endi 24 avtobýs (buryn 22).
Ekspress, kúndelikti:
— № 502 baǵdar — endi 14 avtobýs (buryn 12);
— № 505 baǵdar — endi 14 avtobýs (buryn 12);
— № 506 baǵdar — endi 12 avtobýs (buryn 10);
— № 507 baǵdar — endi 12 avtobýs (buryn 10);
— № 508 baǵdar — endi 12 avtobýs (buryn 10).
Avtobýs sanyn arttyrý kútý ýaqytyn qysqartýǵa jáne saparlardy yńǵaıly etýge múmkindik beredi.
Eske sala keteıik, Astanada qoǵamdyq kólikte jol júrý aqysy 150 teńgege kóteriledi.
