Astanada 10 qabatty turǵyn úıde órt boldy - QR TJM
ASTANA. 10 qańtar. QazAqparat - Astanada lıfti kabınasynyń órtenýi saldarynan Abylaıhan kóshesi 36 meken-jaıynda ornalasqan 10 qabatty turǵyn úıdiń turǵyndary qaýipsiz jerge kóshirildi,
dep habarlaıdy QR TJM baspasóz qyzmeti.
Órt búgin 03.58 saǵat shamasynda tutanǵan. Tilsiz jaýdy aýyzdyqtaýǵa Astana qalasynyń Tótenshe jaǵdaılar departamenti jeke quramynyń 20 qyzmetkeri men 6 tehnıka jumyldyryldy. Órt 50 mınýttan soń tolyǵymen joıyldy. Tutanǵan tilsiz jaýmen kúresý kezinde turǵyn úıdiń 47 turǵyny kóshirildi. Olardyń 15-i - balalar. 3 adam qutqaryldy.
