Astanada 10 qabattan qulap kete jazdaǵan balany kórshileri qutqardy
ASTANA. QazAqparat - Astanada kóp qabatty turǵyn úılerdiń birinde onynshy qabatta qulap kete jazdaǵan balalar qutqaryldy, dep habarlaıdy QazAqparat ákimdik janyndaǵy qalalyq monıtorıng jáne jedel qımyl ortalyǵyna silteme jasap.
Qosshyǵululy kóshesi, 10-úıdiń 10-qabatyndaǵy páterde úlkenderdiń qaraýynsyz qalyp qoıǵan balalar terezeni ashyp, oınap júrgeni týraly habar iKomek ortalyǵyna 3 shildede túsken.
«Vıdeobaqylaýdan 10-shy jáne 3-qabattardaǵy kórshiler balalardyń terezeden shyǵýyna adamdar eden jýǵyshtyń kómegimen kedergi jasaǵan», - delingen habarlamada.
iKomek ortalyǵynyń operatorlary shuǵyl túrde polıtsııa, medıtsına jáne órt sóndirýshilerdi shaqyrǵan. Qutqarýshylar 10-qabatqa órt sóndirýshilerdiń baspaldaǵy arqyly jetken.
Ortalyq ókilderiniń aıtýynsha, kórshilerdiń qyraǵylyǵynyń arqasynda qaıǵyly oqıǵanyń aldy alynǵan.
