Astanada 10-ǵa jýyq shaǵyn aýdan men 6 kósheniń turǵyndary sýsyz qaldy
TANA. 21 qarasha. QazAqparat - Astanada tozyǵy jetken qubyrdyń jarylýy saldarynan 10-ǵa jýyq shaǵyn aýdan men 6 kósheniń turǵyndary sýsyz qaldy. Bul týraly QR TJM-nan habarlady.
Málim etilgendeı, qubyrdyń jarylýy 20 qarasha kúni, keshki saǵat alty jarymda Jansúgirov kóshesi, 2-de boldy. Onyń dıametri 1 metrdi qurady. Saldarynan №1, 2, 2a, 3, 4, 5, 6 sondaı-aq, Aqbulaq-2, Ońtústik-Shyǵys (oń jáne sol jaq betkeıleri) shaǵyn aýdandary, Abylaı han, Momyshuly dańǵyldary men Ál-Farabı, Músirepov, Rysqulbekov jáne Jumabaev kósheleriniń tutynýshylary sýsyz qaldy.
Tótenshe jaǵdaıdy joıýmen «Astana sý-arnasy» MKK-nyń 14 adamy men 5 tehnıkasy aınalysýda.
Aıta keteıik, atalǵan meken-jaıda, ıaǵnı Jansúgirov kóshesi, 2-úıde qubyr 20 qarasha kúni tańerteń de jarylǵan bolatyn. Ol ýaqytta Abylaı han dańǵyly boıynda ornalasqan 12 úı sý tapshylyǵyn kórdi. Biraq kúndiz «Astana sý arnasynyń» qyzmetkerleri apatty-qalpyna keltirý jumystaryn tolyǵymen aıaqtap, barlyq tutynýshyǵa sýdy qosqan bolatyn.
