Astanada 10 baldyq kólik keptelisi boldy
ASTANA. KAZINFORM – 2GIS elordada 10 balldyq kólik keptelisin tirkedi. Al taksı qyzmetiniń baǵasy ushyp tur.
Kartografııalyq qyzmet usynǵan derekterge sáıkes, qala kóshelerindegi júkteme 10 balǵa jetip otyr. Qabanbaı batyr, Syǵanaq, Saraıshyq, Máńgilik el kóshelerinde jáne basqa da baǵyttaǵy qozǵalys toqtap tur.
Búgin jaýyn-shashyn mol túspegenimen qala kóshelerinde keptelis elordadaǵy taksı qyzmetiniń baǵasyna da qatty áserin tıgizdi. Qazirgi ýaqytta ádettegi kúnge qaraǵanda taksı qyzmetiniń baǵasy 1,5-2 esege qymbat.
Sınoptıkterdiń boljamynsha, aldaǵy demalys kúnderi Qazaqstan aýmaǵy arktıkalyq sýyq enýmdiń epıtsentrinde bolady, elimizdiń basym bóliginde qar jaýady, respýblıkanyń ortalyǵynda jáne shyǵysynda kóriný qashyqtyǵyǵyn nasharlatatyn qatty qar jaýady, al joldarda kóktaıǵaq kútiledi.
