Astanada 10 aıda 8 myńnan astam páter paıdalanýǵa berildi
ASTANA. 18 qarasha. QazAqparat - 2013 jylǵy qańtar-qazanda elordada barlyq qarjylandyrý kózderiniń esebinen jalpy aýdany 865 018 sharshy metrdi quraıtyn 8 138 páter paıdalanýǵa berildi.
Bul týraly astana.kz saıtyna qalalyq Statıstıka departamentinen habarlady.
«Jeke salýshylarmen jalpy aýdany 66 983 sharshy metr turǵyn úı turǵyzylǵan. Bul 2012 jylǵy qańtar-qazandaǵy kórsetkishten 161,8 paıyz artyq. Jalpy paıdalanýǵa berilgen turǵyn úılerdegi jeke turǵyn úıdiń úlesi 2012 jylǵy qańtar-qazandaǵy 3,9 paıyzǵa qaraǵanda 7,7 paıyzdy qurady», - delingen habarlamada.
Aıta keteıik, 2013 jylǵy qańtar-qazanda turǵyn úı qurylysyna 147,8 paıyz ınvestıtsııa tartyldy. Negizgi kapıtalǵa salynǵan ınvestıtsııalardyń jalpy kóleminde turǵyn úı qurylysynda ıgerilgen qarajat úlesi 19,1 paıyzdy qurady.
