Astanada 10 aıda 3254 adam jumyspen qamtyldy

ASTANA. QazAqparat - Ústimizdegi jyldyń 10 aıynda Astanada 4095 adam «Jumyspen qamtý jol kartasy -2020» baǵdarlamasyna qatysý máseleleri boıynsha Jumyspen qamtý ortalyǵyna júgingen. Sonymen qatar memlekettik baǵdarlama aıasynda 3254 adam jumyspen qamtyldy, 563-i kásibı daıarlaýǵa jiberildi. Bul týraly «Astana qalasynyń Jumyspen qamtý ortalyǵy» MKK-ynan habarlady, delingen elorda ákimdiginiń resmı saıtynda.

Taratylǵan málimetterge sáıkes, ústimizdegi jyldyń 1 qarashasyndaǵy jaǵdaı boıynsha baǵdarlamaǵa qatysqandardyń ishinen 3254-i jumysqa ornalasty. Budan basqa, 10 aıdyń ishinde 563 adam kásibı oqytýmen qamtyldy, sonyń ishinde 329 qatysýshy oqýyn támamdady. Baǵdarlama aıasynda 505 adam jastar is-tájirıbesinen ótýge jiberildi. Baǵdarlamanyń birinshi baǵyty «Infraqurylymdy jáne turǵyn úı-kommýnaldyq sharýashylyqty damytý esebinen jumyspen qamtýdy qamtamasyz etý» aıasynda 33 joba júzege asyrylmaq, sonyń ishinde 14 bilim nysany, 3 áleýmettik qamtamasyz etý nysany, 2 mádenı nysan kúrdeli jóndeýdi qajet etedi. 9 bilim nysanyn, 1 áleýmettik qamtamasyz etý nysanyn abattandyrý, 4 ınjenerlik-kólik ınfraqurylymyn jóndeý josparlanǵan. Osy baǵytty júzege asyrý arqyly barlyq jobalar boıynsha 1125 jumys orny qurylady.