Astanada №10 avtobýstyń apatqa ushyraýy saldarynan japa shekken jolaýshylarǵa ótemaqy tólenedi
ASTANA. QazAqparat - Elordadaǵy Qonaev kóshesinde oryn alǵan jol-kólik apatynan zardap shekken №10 avtobýs jolaýshylarynyń barlyǵyna ótemaqy tólenedi. Bul týraly búgin №1 avtobýs parki basshysynyń mindetin atqarýshy Sábıt Bolatov habarlady.
Onyń sózine qaraǵanda, ótemaqyny saqtandyrý kompanııalary tóleıdi. «Jaǵdaıǵa baılanysty soma ár túrli bolady», - dedi S.Bolatov. Sondaı-aq ol jol-kólik oqıǵasyna baılanysty tergeý amaldaryn Astana qalasynyń ІІD qyzmetkerleri júrgizip jatqanyn aıtty.
«Júrgizýshiniń sózine qaraǵanda, ol kólikti basqarǵan kezinde esinen tanyp qalǵan», - dedi S.Bolatov.
Onyń aıtýynsha, júrgizýshi óte tájirıbeli. Ondaǵan jyldar boıy kólik júrgizip keledi. Sonymen qatar, ol Iveco avtobýstary satylyp alynǵanda kelisim boıynsha Frantsııada arnaıy oqýdan ótken. Bul onyń úzdik júrgizýshilerdiń biri ekenin kórsetedi. Jumysqa shyǵar aldynda júrgizýshi úsh kún - beısenbi, juma, senbi kúnderi demalǵan. Jolǵa shyǵar aldynda medıtsınalyq tekseristen ótti. ıAǵnı, apattyń oryn alýyna esh negiz bolmaǵan, - deıdi S.Bolatov.
Resmı derekterge sáıkes kólik oqıǵasynan 21 adam japa shekti.
«Búgin, tańǵy saǵat 10-da olardyń 16-sy aýrýhanadan shyǵarylǵanyn, beseýi aýrýhanada jatqanyn anyqtadyq», - dedi S.Bolatov.
Japa shekkenderdiń ishinde 2006 jyly týǵan bala boldy. Alaıda onyń ómirine esh qaýip tónbegendikten, dárigerler úıine qaıtaryp jiberdi.
