Astanada 1 jeltoqsan kúni dúnıege sábı ákelgen analar ákimdikten syılyqtar alady
ASTANA. 26 qarasha. QazAqparat - Tuńǵysh Prezıdent kúnin merekeleý - Elbasyna jáne onyń ólsheýsiz eńbegine kórsetilgen qurmet.
Astana qalasynyń resmı saıtynyń habarlaýynsha, Bul týraly búgin «Báıterek» Halyqaralyq medıa ortalyǵynda Tuńǵysh Prezıdent kúnin merekeleý aıasynda áleýmettik aktsııa ótkizýge arnalǵan baspasóz máslıhatynda aıtyldy.
Astana qalasy Jumyspen qamtý jáne áleýmettik baǵdarlamalar basqarmasy bastyǵynyń orynbasary Oljas Omardyń málimdeýinshe, Tuńǵysh Prezıdent kúnine oraılastyrylǵan aktsııany ótkizýge Astana qalasynyń máslıhaty kómek kórsetýde.
Tuńǵysh Prezıdent kúnine oraı elordanyń jekelegen sanattaǵy otbasylaryna azyq-túlikter jıyntyǵy, qamqorshylar qaraýyna alynǵan jetim balalarǵa syılyqtar úlestiriledi. Sondaı-aq 1 jeltoqsanda dúnıege kelgen sábılerdiń analaryna syılyqtar beriletin bolady.
