Astanada 1 tamyz kúni bos oryndar jármeńkesi ótedi
ASTANA. 29 shilde. QazAqpart - 1 tamyzda Jeleznodorojnyı turǵyn úı massıvinde bos oryndar jármeńkesi ótedi. Bul týraly astana.kz saıtyna Jumyspen qamtý jáne áleýmettik baǵdarlamalar basqarmasynan habarlady.
Vedomstvonyń habarlaýynsha, jármeńkeniń negizgi mindetteri - azamattardy jumyspen qamtýǵa járdemdesý, olarǵa áleýmettik qorǵaý sharalary jáne eńbek naryǵyndaǵy ahýal jónindegi aqparattar usyný.
«Sonymen qatar, jármeńkede Astana qalasynyń Jumyspen qamtý jáne áleýmettik baǵdarlamalar basqarmasynyń mamandary túrli máseleler boıynsha keńes beredi, qaıta oqytý jáne jańa mamandyq alý, oqý oryndarynyń túlekterine jastar tájirıbesinen ótý múmkindikteri týraly aıtady", delingen aqparatta.
Astana qalasynyń Eńbekti qorǵaý basqarmasynyń qyzmetkerleri qaýipsizdik jáne eńbekti qorǵaý máseleleri boıynsha keńes beredi, al Zeınetaqy tóleý memlekettik ortalyǵynyń mamandary zeınetaqy men járdemaqy alýǵa qujattardy jınaqtaý tártibi týraly aıtady.
Jármeńke Jambyl Jabaev, 20 mekenjaıynda ornalasqan ákimdik ǵımaratynda saǵat 10.00-den 13.00 deıin ótedi.
